Жорий йилнинг 30 октябрь куни Озарбайжоннинг Боку шаҳрида “Ўзбекистон 1380 км” номли фильм премьераси маросими бўлиб ўтказилган эди.
Маълумот учун, Туризм қўмитаси мамлакатимизнинг Боку шаҳридаги элчихонаси билан биргаликда Озарбайжонда Ўзбекистоннинг туризм салоҳиятини кенг тарғиб этиш ҳамда ушбу давлатдан туристлар оқимини ошириш мақсадида жорий йилнинг 22 май санасидан 2 июнгача бўлган муддатларда Озарбайжон сайёҳлик блогерлари уюшмаси билан ҳамкорликда “Ўзбекистоннинг ёрқин ранглари” лойиҳаси амалга оширилган ва уни доирасида 4 нафар блогерларнинг мамлакатга ташрифи ташкил этилган.
Лойиҳа Ўзбекистоннинг туризм салоҳияти ва жозибадорлиги билан Озарбайжон фуқароларини яқиндан таништириш ва бу орқали мамлакатимизга сайёҳлар оқимини ошириш ҳамда туризм соҳасидаги имкониятларни хорижда кенг тарғиб қилишга қаратилган. Лойиҳада видеоблогерлар Ирада Кадирова, Заур Маммадов ва фотоблогерлар Рустам Набизаде, Элшан Исмаиловлар иштирок этган.
Ижодий гуруҳ Тошкент, Қўқон, Риштон, Марғилоб, Фарғона, Урганч, Хива, Бухоро, Ғиждувон, Самарқанд шаҳарларига ташриф буюриб, туризм соҳасида сўнги йилларда амалга оширилган кенг кўламли ислоҳотлар ва маданий мерос объектлари ҳақида туркум фотожамламалар, видеороликлар, мақола ва репортажлар ҳамда давомийлиги 130 дақиқагача бўлган фильмни тайёрлашди.
Шунингдек, ҳужжатли фильм ҳамда барча медеиаконтентлар йил давомида Озарбайжоннинг нуфузли ОАВда (RealTV ва AzTV телеканалларида) ҳамда Баку шаҳри кинотеатрларида намойиш этилади.
