Баликесирнинг илк нуфузли фортепиано фестивали Zihnilatif Туркий Давлатлар Халқаро Пианино мусобақаси учун мурожатномалар қабул қилиш 2023 йилнинг 1 сентябридан бошланди.
Лойиҳа раҳбари Zihnilatif уюшмаси бўлган халқаро тадбирда, Туркия Республикаси Маданият ва туризм вазирлиги; Баликесир шаҳар ҳокимияти, Баликесир университети ҳамда Баликесир шаҳар кенгаши каби йирик муассасалардан ташқари, Туркиянинг етакчи Do-Re Music маркалари бирлашди.
Маданият ва туризм вазирлиги кўмагида етишиб чиққан машҳур турк пианиночиси Гўкҳан Айбулуснинг ҳакамлар ҳайъати раислигида ташкил этилган танлов ташкилотчиси Zihnilatif, иқтидорли болаларни аниқлаш ва ривожлантириш мақсадида ташкил этилган уюшма бўлиб, шу кунгача кўплаб тадбирлар ва лойиҳаларни муваффақиятли амалга оширди.
Андрей Писарев, Герберт Шух, Мурод Адигузелзаде, Гулнора Азиз, Башар Жан Киврак ва Жем Бабажанлардан иборат нуфузли ҳакамлар ҳайъатининг ўз саҳна чиқишлари ҳамда Баликесирлик ёш мусиқачилар билан ўтказадиган маҳорат дарслари Баликесирнинг бадиий ҳаётига мазмун бахш этади.
Фестивалнинг очилиш ва ёпилиш маросимлари Тарик Тал ва Артун Ҳоинич бошчилигида Баликесир маданият оркестри томонидан дунёга машҳур басталарни мусиқа ихлосмандлари эътиборига ҳавола этади.
Жорий йилнинг 11-14 декабрь кунлари Баликесир АVLU маданият марказида бўлиб ўтадиган танлов ва фестивалга Турк дунёсининг барча давлатларидан ёш пианиночилар ариза топширишлари кутилмоқда. Танловда дунёга машҳур пианиночилар қаршисида беллашадиган ёш мусиқачиларнинг халқаро миқёсда тажриба орттириб, дунёнинг барча концерт заллари учун мусиқий жиҳатдан янада тажрибали ва кучлироқ бўлишлари кўзда тутилган.
