Туризм маркази бўлмиш Анталиянинг чуқур илдиз отган кўҳна ва бой тарихини очиб берувчи Калеичи, қадимий бинолари, юнон, салжуқий ва усмонли меъморчилиги изларини акс эттирган уйлари, манзарали дарахтларга тўла тор кўчалари билан йилнинг ҳар фаслини очиқ осмон остидаги музейга айлантиради.
Анталия
Ҳар йили миллионлаб сайёҳларни қарши оладиган Анталия ўзининг табиий ва тарихий гўзалликлари билан бирга денгиз, қуёш ва қум учлиги билан сайёҳларни жалб қилади.
Шаҳар марказида жойлашган, милоддан аввалги IV аср охирида бошланган тарихий ўтмишида, милоддан аввалги II аср ўрталарида Пергамон қироли Атталос томонидан порт шаҳрига айлантирилган тарихий Калеичи ҳудуди Анталиянинг юраги сифатида қаралади.
1972 йилда “қўриқланадиган ҳудуд” сифатида ҳимоя остига олинган Калеичининг узун ва тор кўчалари, деворлар орасидаги шаҳар ва порт манзаралари, юнон, салжуқий ва усмонлиларнинг изларини ўзида акс эттирган ранг-баранг уйлари, меъморчилиги ва денгизга қараган кўчалардаги тарихий бинолари билан ташриф буюрувчиларни ўтмишга томон саёҳатга етаклайди.
85 та монументал бино, 6 та масжид, 3 та мадраса, 4 та мақбара, 5 та ҳаммом, 56 та қалъа ва 456 та фуқаролик архитектураси намуналари жойлашган Калеичида антиқа буюмлар, гилам сотувчи кичик дўконлар, кема портлари, шунингдек, маҳаллий ва халқаро таъмларни татиб кўриш мумкин бўлган бир қатор ресторанлари билан зиёратчиларга хизмат қилади.
Сайёҳларнинг илк ташриф буюрган манзили — Калеичи
Анталияни тарғиб қилиш жамғармаси (АТАV) президенти Елиз Гул Эгенинг фикрича, минтақанинг шаҳар марказида эканлиги ва бориш осон бўлгани учун диққатни тортган.
Қалъа дарвозаси ёнида шаҳарнинг яна бир муҳим рамзи бўлган Соат минораси жойлашган. Милодий IХ асрда қурилган ва Абдулҳамид II даврида соат минорасига айлантирилган асарда Рим, Салжуқий, Усмонли ва Жумҳурият даврларининг излари бор.
Калеичи дунёнинг турли бурчакларидан ташриф буюрувчиларни қабул қилишини таъкидлаган Эге, шундай қўшимча қилди:
«Калеичи — Анталиянинг гавҳаридир. 2 минг йилдан ортиқ тарихга эга ва қадимий бинолари бугунги кунгача қониқарли тарзда сақланиб қолган. Ташриф буюрувчиларнинг маҳаллий ва тарихий иморатларни айни вақтда топишлари мумкин бўлган шаҳардир. Ушбу муҳит жуда чиройли фотосуратлар жамланмасини тўплашга имкон беради. Шу сабабли Калеичи дунёдаги эски аҳоли пункти сифатида қабул қилинган кам сонли жойлардан биридир. Шаҳар марказига қараганимизда, Калеичи сайёҳлар ташриф буюрадиган асосий диққатга сазовор марказ ҳисобланади».
