Кинематография агентлиги буюртмасига биноан «Ёшлик киностудияси» ДУК томонидан суратга олинган, «Дебют-2020» ёшлар киноалманахидаги 18 та фильмлардан бири бўлган «Чана» қисқа метражли фильми Буюк Британиянинг Бунтингфорд шаҳрида ўтказилган «Бунтингфорд қисқа метражли фильмлар фестивали»да махсус диплом билан мукофотланди.
Мазкур кинофестиваль, асосан, талабалар учун мўлжалланган бўлиб, унда турли жанрдаги қисқа метражли фильмлар баҳоланади. Профессионал ва ҳаваскорлик даражасидаги кинокартиналар кўриб чиқилади.
“Чана” фильмининг сценарий муаллифи ва постановкачи режиссёр Сухроб Қодиров.
Маълумот учун, мазкур фильм жорий йилнинг 1-5 июнь кунлари Россиянинг Ярославль шаҳрида бўлиб ўтган «Свет миру» халқаро ёшлар кинофестивалида махсус диплом билан мукофотланган эди.
