Умумтаълим мактабларнинг юқори синфлари учун 4 та йўналишда танлов фанлари белгиланди

Бу ҳақда АОКАда ўтказилган брифингда Мактабгача ва мактаб таълими вазирлиги ахборот хизмати раҳбари Дилфуза Собирова маълум қилди.

4 та йўналишдаги танлов фанлари:

— математика-физика;

— она тили-чет тили;

— кимё-биология;

— математика-чет тили этиб белгиланди.

Шунингдек, тажриба-синовдан ўтказиш тартиби, ўқув режалари, тушунтириш хати, тажриба-синовдан ўтказиладиган мактаблар рўйхати ҳам тасдиқланди.

Ҳозирда математика-физика йўналишида 16 та, она тили-чет тили йўналишида 51 та, кимё-биология йўналишида 40 та, математика-чет тили йўналишда 30 та синфларда ўқувчилар ўзлари қизиққан йўналишлари бўйича таълим олмоқда.

Келгуси ўқув йиллардан бошлаб, ўқувчиларининг қизиқиш ва қобилиятига қараб янги йўналишлар тавсия этилиши режалаштирилган.