- Advertisement -
Aрктикада метан чиқиндиларининг янги манбаи аниқланди. Тадқиқот шуни кўрсатдики, чучук сувнинг ер ости манбаларида катта миқдорда иссиқхона газлари мавжуд.
Ҳароратнинг кўтарилиши туфайли музликлар чекинар экан, метанга бой ер ости сувлари ер юзасига чиқишга мажбур бўлади. Бу ҳодиса глобал исишни кучайтириши мумкин.
Метаннинг иссиқхона эффекти карбонат ангидриддан 84 баравар юқори. Кембриж университетининг ер фанлари бўлими мутахассислари томонидан олинган маълумотларга кўра, Свалбарднинг ер ости манбалари йилига 2000 тоннагача метан чиқариши мумкин. Бу Норвегиядаги бутун нефт ва газ саноати чиқиндиларининг 10% га тенг.
