Хабарингиз бор, айни дамда Самарқандда дунёнинг ривожланган мамлакатлари етакчи халқаро иқтисодчилари, нуфузли инвесторлар ва экспертларни жамлаган II Ўзбекистон халқаро иқтисодий форуми бўлиб ўтмоқда.
Анжуманда ўзаро мулоқотни йўлга қўйиш, ишбилармон доиралар, хорижий корхоналар вакиллари ҳамкорлигини ўрнатиш ҳамда инвесторларни жалб қилиш масалалари қизғин муҳокама қилинмоқда ва бир қатор келишувларга ҳам эришилмоқда.
Жумладан, Олий ва ўрта махсус таълим вазирлиги ва Европа тикланиш ва тараққиёт банки ўртасида лойиҳа қиймати 115 млн долларлик жами 18 000 ўринли 17 та талабалар турар жойларини қуриш бўйича Маслаҳат хизмати битими имзоланди.
Ҳужжатни имзолашда томонлардан Олий ва ўрта махсус таълим вазири ўринбосари Сарвархон Бузрукхонов, Молия вазирлиги ҳузуридаги Давлат-хусусий шерикликни ривожлантириш агентлиги директори Зокир Бозоров ҳамда Европа тикланиш ва тараққиёт банкининг Барқарор инфратузилма сиёсати ва лойиҳаларни ишлаб чиқиш бўйича директори Месю Жортан-Танк иштирок этди
