Хитой раҳбари Си Цзиньпин Жанубий Африка Республикаси Президенти Сирил Рамапоса билан телефон орқали мулоқоти чоғида можарони тинч йўл билан ҳал этишга кўмаклашиш учун Россия ва Украинага делегация юборишни режалаштираётган Африка давлатларининг саъй-ҳаракатларини қўллаб-қувватлади. Бу ҳақда шанба куни Хитой ташқи ишлар вазирлиги маълум қилди, дея хабар бермоқдаТАСС.
“Сиз, жаноб Президент, манфаатдор Африка давлатлари раҳбарлари билан биргаликда Россия ва Украина урушини тинч йўл билан ҳал этиш учун ташриф буюрадиган делегация тузганингиз яхши воқеадир”, — дея Си Цзиньпин сўзларидан иқтибос келтирган Хитой ТИВ. “Умид қиламанки, бутун сайёрамизнинг тинчликни севувчи ва адолат тарафдорлари бўлган мамлакатлари ақл овози билан [можарони] ҳал қилиш учун тинчлик жараёнининг ривожланишини рағбатлантиришга қодир бўлади».
Хитой раҳбарининг аниқлик киритишича, Пекин музокаралар орқали тинчликни тиклашга қаратилган саъй-ҳаракатларни доимо ёқлаб келади. «Умид қиламанки, барча тегишли томонлар мулоқот орқали инқирозни ҳал қилиш учун қулай шарт-шароитларни яратади», деди у.
Жанубий Африка раҳбари қитъадаги олти давлат – Миср, Замбия, Конго Республикаси, Сенегал, Уганда ва Жанубий Африкадан иборат делегация июнь ойининг иккинчи ярмида Россия ва Украинага ташриф буюриши кутилмоқда.
