Болливуд актёри Шоҳрух Хоннинг ўғли Арян Хон актёрлик соҳасига қизиқмайди, бироқ сценарий ёзиш ва режиссёрлик қобилиятига эга. Арян ўзининг режиссёрлик дебютини “Юлдузлик” сериали билан бошламоқчи.
Бу кино саноатида 6 қисмли веб-сериал бўлади. Лойиҳа ҳозирда ишлаб чиқариш босқичида. Уни яқинда муваффақиятли “Патҳан” блокбастери билан катта экранга қайтган Шоҳрух Хонга тегишли Ред Чиллиэс Entertainment ишлаб чиқармоқда.
Маълумот учун, машҳур ҳинд актёри Шоҳрух Хон ва дизайнер Гаури Хоннинг тўнғич фарзанди Арян Хон 1997 йилнинг 13 ноябрь санасида дунёга келган.
Лос-Анжелесдаги кино мактабининг режиссёрлик бўлимини тугатган Арян фильмларда рол ўйнашни хоҳламаслигини айтган.Арян Хон кинодаги фаолиятини режиссёр сифатида бошлашга қарор қилган.
Шунингдек, Арян Хон таэквондо бўйича қора белбоғ соҳиби ва 2010 йилда Maxarаштра штатидаги мусобақаларда олтин медални қўлга киритган.
