23-28 апрель кунлари Туркманистонинг Ашхобод шаҳрида «ОМОУС-2023» халқаро математика олимпиадаси ўтказилди деб хабар бермоқда Уз.А.
2020 йилдан бошлаб анъанавий тарзда ўтказилаётган мусобақада Самарқанд давлат университети математика факультети талабалари Давлат Камолиддинов ва Бобомурод Абдураҳмонов муносиб иштирок этиб, олийгоҳ шарафини ҳимоя қилдилар.
Эрон, АҚШ, Россия, Мексика, Арабистон, Венгрия каби 20 давлатдан 300 дан зиёд талаба қатнашган олимпиада икки турда, жумладан, якка ва жамоавий тарзда ўтказилган.
СамДУ ахборот беришича, якка тартибда ўтказилган баҳсларда Давлат Камолиддинов кумуш медални, Бобомурод Абдураҳмонов эса бронза медални қўлга киритган. Жамоавий баҳсларда эса университет талабалари бронза медалга эришган.
Магистрaнт Давлат Камолиддинов ушбу олимпиадада иштирок этган 46 нафар ўзбекистонлик талабалар орасида энг юқори натижани қайд этгани ҳам алоҳида эътирофга лойиқ.
