Fith Ratings халқаро рейтинг агентлиги Жиззах вилоятининг узоқ муддатли кредит рейтингини «ББ-» даражасида белгилади. Рейтинг прогнози — «Барқарор».
Халқаро баҳолашда Жиззах вилоятининг иқтисодий ўсиш суръатлари, молиявий кўрсаткичлари ва қарз мажбуриятларини бажариш салоҳияти инобатга олинди. Агентлик вилоят иқтисодиётининг ўсиш суръати мамлакат ўртача кўрсаткичидан юқори эканини қайд этди.
«ББ-» халқаро кредит рейтинги ва «Барқарор» прогноз вилоятнинг молиявий ҳолати ҳамда ўрта муддатли иқтисодий истиқболларига берилган халқаро баҳо бўлиб, ҳудуднинг инвестициявий жозибадорлигини намоён этиш ва халқаро ҳамкорликни ривожлантиришда муҳим аҳамиятга эга.
Маълумот учун: Fith Ratings агентлигининг Жиззах вилояти бўйича қарори 2026-йил 16-октябрда қабул қилинган.
