Новости Узбекистана

Яхши тушунтиришдан кўра хабар қилмоқ, ўзини оқлашдан кўра яхширок тушунтириш авзал.

Русский язык На русском

Наш канал в телеграм
→ Тошкент. «Кўча» жонланиб, яна «доля» талабига ўтмоқдами?
12-11-2019 13:43 0 474 Рейтинг0 Чоп этиш

Тошкент. «Кўча» жонланиб, яна «доля» талабига ўтмоқдами?

Тошкент. «Кўча» жонланиб, яна «доля» талабига ўтмоқдами?

«Фейсбук» ижтимоий тармоғида Абдуқодир Муҳаммадрасул исм-шарифли фойдаланувчи хавотирли пост қолдирибди. Ундан «кўча» жонланиб, савдогарлардан «доля» талаб қилишга ўтаётгани эҳтимоли юқори экани англашилади. Фойдаланувчи шундай ёзади: Бу хақида xabar.uz ёзмоқда.

«...Ёшлигимда акалар айтишарди: «Ҳар ойда «кўча»га пул бериш керак. Сени ҳимоя қилишади».

Кейинчалик «кўча» ҳам, «уй» ҳам давлатни ўзи бўлди. Ҳар ойда пул бериб борардик. Ҳимоя қилишарди. Кимдан?! Ўзларидан, албатта. Пул бермаган савдогарнинг дўконига «кўча»лар келар, бир айб топиб, жарима солиб кетишарди. Бир акамиз бир йил пул бермади. Роса хурсанд юрди. Биз ҳар ойда 150 (доллар)дан бериб борардик. Йил охирида акамиз дўконига келиб, уч кун пойлаб, охири чек урмаганлари боис жарима солди ҳамда 1500 (доллар)га ва «аъзо қилиб» кетди...

2008 йил. Туманга «доля»сини бериб борар эдик. Дўконга бир оила кирди. Харидлар қилишди. Ҳатто фарзандига ҳам нарсалар олишди. Ҳисобда дўллар бериб чиқишди. «Харидорлар» очган эшикни солиқчилар ёпишди: «Республикаданмиз!».

Туманга қўнғироқ қилдик. «Ака, бизларга пул беришингизни айтманг, илтимос! Бизнинг кучимиз етмайди. Ўзингиз ҳал қилиб олинг». 4000 (доллар) норасмий жарима ва 5-10 дона эски кийимлардан расмий жарима солишди.

Раҳбаримиз ўшанда ҳақиқий кўчаларни қумсаб қолдилар. «Улар бўлганида гапига жавоб берарди. Босмачи бўлса ҳам мард эди. Пул берганга тегмасди...».

...Уч йил аввалги жанозадан кейин бундай ёзилмаган қоидалар йўқ бўлганди. Шу давр мобайнида бировга бир сўм бермадик. Белгиланган солиқларни тўлаб одамдек ишладик.

Кеча «кўчалар» келишибди. Январ ойидан яна тайёргарликни кўрармишмиз...».


Мазкур пост икки кундан бери фойдаланувчининг саҳифасида турибди. Табиийки, билдирилаётган фикр-муносабатлар ҳам ҳар хил. Бироқ ҳали бирорта ваколатли орган баёнот беришга шошаётгани йўқ...
Шарҳлар
Исми:
E-Mail:
Полужирный Наклонный текст Подчёркнутый текст Зачёркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищённой ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Савол:
Сколько пальцев у человека на двух руках? (ответ цифрами)
Жавоб:*
Топ моддаларни кунлари

"Ravon" автомобиллари нархи кескин тушиб кетди

65 нафар спортчимиз юртимиз шарафини муносиб ҳимоя қилди

Тадбиркор 106 миллион сўм ўрнига бир миллион тўлайдиган бўлди

Глобал терроризм индекси рейтингида Ўзбекистон энг хавфсиз мамлакатлар қаторидаги мавқеини янада мустаҳкамлади

expo
Боглиш маколалар