Мамлакатимизда мактабгача таълим тизимини шакллантириш жараёни кун сайин тезлашаяпти.Боиси,фарзандларимизнинг мактабга қадар маънавий ва жисмоний баркамоллиги,уларнингумумтаъим мактабларида кўп жиҳатдан узвий таълимни ўзлаштришларига замин яратади.
“Айни вақтда туманимизда 68 тадавлат ,7 та хусусий шерикчилик, 3 та нодавлат,196та оилавий боғчалар фаолият олиб бормоқда,-дейди Пастдарғом тумани мактабгача таълим бўлими мудири Машҳура Бекова. Бу кўрсатгич 350 мингдан ортиқ туман аҳолисининг 65% ни ташкил этади.3 ёшдан 7 ёшгача қамраб олинган болалар 31164 нафарни ташкил этади.Ҳозирда 107 маҳалламиздан 52 тасида боғча етишмайди.
Мамлакатимиз раҳбарининг талабларидан келиб чиқиб,туманнинг энг чекка олис қишлоқларида ҳам оилавий боғчалар очилиши тарғиб қилинаяпти. Президентимизнинг 2021 йил 12 апрельдаги «Мактабгача таълим соҳасида давлат хусусий шерикликни ривожлантиришга доир қўшимча чора тадбирлар тўғриида”ги қарори ижроси доирасида тизимда хусусий секторни ривожлантириш, давлат хусусий шерикчилиги асосида нодавлат мактабгача таълим ташкилотлари учун яртилган имтиёзларни халқимизга тарғиб қилаяпмиз. Ахир мактабгача таълим узлуксиз таълимнинг бошланғич бўғини, фарзандларимизнинг соғлом тарзда ривожланиши, мукаммаллиги, эркин шахсиятини шакллантиришда мустаҳкам ўрин эгаллайди.Шу сабабли туманимизнинг барча ҳудудларида бошланғич таълим қамровини кенгайтириш йўлида доим изланишдамиз.
Ўлжабой ҚАРШИЕВ
