Дрексел университети олимлари вафот этган чақалоқларнинг буйраги трансплантация қилиш учун мос деган хулосага келишди. Aгар уларни донорлар базасига киритишга рухсат берилса, бу трансплантация кутаётган одамларнинг навбатларини сезиларли даражада камайтиради.
Ҳар йили органларни кутаётган беморларнинг 15-30 фоизи вафот этади. 2018 йилда буйраклар энг кўп талаб қилинадиган орган бўлиб, Европа Иттифоқидаги трансплантацияларнинг 60% дан ортиғини ташкил этди. Aввалги тадқиқотлар шуни кўрсатдики, болаларнинг буйраклари катталарга кўчирилиши мумкин. Aмерикалик мутахассислар 2020 йилда Қўшма Штатлардаги чақалоқлар ўлими ҳақидаги маълумотлардан фойдаланган ҳолда янги тадқиқот ўтказдилар ва 21 минг боланинг 12 мингдан ортиғи орган донорига айланиши мумкинлигини аниқладилар.
Баъзи жиҳатларда янги туғилган чақалоқларнинг буйраклари ҳатто катталар донорларининг органларидан ҳам устундир. Тадқиқот чақалоқлардан трансплантация қилинган органларнинг 25 йилдан ортиқ ишлаши мумкинлиги ҳақида далилларни тақдим этади. Дрехел университети олимларининг ҳисоботи 2023-йилда бўлиб ўтадиган Европа орган трансплантацияси жамияти (ЕСОТ) конгресси сайтида эълон қилинди.
