Гавайидаги куйган уйлар ва транспорт воситаларини тарайдиган қутқарув экипажлари кунига яна 10-20 қурбонни топишмоқда, дея огоҳлантирди губернатор.
Ёнғин қурбонлари сони ҳозирда 99 кишини ташкил этиб, бу AҚШда юз йилдан ортиқ вақт давомида содир бўлган энг ҳалокатли ўрмон ёнғинига айланди.
Губернатор Жош Грин CBS Newsга ўлганларнинг тўлиқ сонини билиш учун 10 кунгача вақт кетиши мумкинлигини айтди.
Йўқолганлар сони ҳозирда 1300 га яқин, деди у.
Кейинроқ у матбуот анжуманида ёнғиндан зарар кўрган ҳудуднинг 25 фоизида жасадлар қидирилганини айтди.
Ёнғинда деярли бутун Лахайна шаҳри вайрон бўлган.
«Тўлиқ вайронагарчиликдан бошқа ҳеч нарса кўринмайди», деди жаноб Грин якшанба куни CБСга.
12 000 киши истиқомат қиладиган Лахаинанинг барча аҳолиси ёнғиндан қочиб қутулган ёки ҳалок бўлган, дея қўшимча қилди у. Унинг сўзларига кўра, экипажлар кўпроқ қурбонларни топиши мумкин ва уларни аниқлаш учун вақт керак бўлади.
