Қашқадарё вилояти, Қарши шаҳрида яшовчи 27 ёшли (аёл) О.Ў. ариза билан мурожаат қилиб, “номаълум шахс” “Telegram” мессенжерида унинг шахсий суратларига уятли сўзлар ёзиб тарқатаётганлигини маълум қилган.
Ўтказилган тезкор-қидирув тадбирлари натижасида Қашқадарё вилояти, Нишон туманида яшовчи 20 ёшли (эркак) Ж.Қ. ва Қашқадарё вилояти, Кўкдала туманида яшовчи 27 ёшли (эркак) Ю.Э.лар ижтимоий тармоқлардан О.Ў.нинг суратларини юклаб олиб, ушбу суратларга уятли сўзларни ёзиб “Telegram” мессенжеридаги “Yoqimli” ва “Apwesan” номли гуруҳларга тарқатган.
Жиноят содир этган Ж.Қ. ва Ю.Э.лар Ўзбекистон Республикаси ЖКнинг 140-моддаси 2-қисми билан жиноий жавобгарликка тортилди.
Қонунга мувофиқ, базавий ҳисоблаш миқдорининг икки юз бараваридан тўрт юз бараваригача миқдорда жарима ёки икки юз қирқ соатдан уч юз соатгача мажбурий жамоат ишлари ёхуд бир йилдан икки йилгача ахлоқ тузатиш ишлари жазоси назарда тутилган.
ИИВ Киберхавфсизлик маркази
