Электромобилда таксичилик қилувчилар 2040 йилгача лизенция тўловларидан озод қилиниши режалаштирилмоқда.
Бу ҳақдаги қарор лойиҳаси (https://regulation.gov.uz/oz/d/58819) Иқтисодиёт ва камбағалликни камайтириш вазирлиги томонидан ишлаб чиқилган ва жамоатчилик муҳокамаси учун эълон қилинган.
Лойиҳада айтилишича, 2022 йил 1 апрелдан 2030 йил 31 апрелгача қадар:
— қувватлантириш станциялари ҳамда уларнинг атрофида камида 2 электромобиль учун тўхташ жойи жойлашган ер участкалари ер солиғи тўлашдан озод этилади;
— юридик шахсларнинг мижозларни жалб қилиш учун қувватлантириш станцияларни ташкил этиш билан боғлиқ харажатлари, даромад солиғини ҳисоблашда чегириб ташланадиган харажатлар ҳисобланади (солиқ базасининг 2 фоизидан ошмаслиги лозим);
— ишлаб чиқарилган санаси бир йилдан ошмаган электромобилларни “эркин муомалага чиқариш” (импорт) божхона режимида расмийлаштирадиган жисмоний ва юридик шахслар 2027 йил 1 январга қадар утилизация йиғимидан озод этилади.
Шунингдек:
➖ электромобилларни қувватлантириш хизматларини кўрсатувчи юридик шахсларга электр энергиясини харид қилиш харажатлари 2025 йил 1 январга қадар Давлат бюджети томонидан субсидия бериш орқали тўлиқ қопланади ҳамда ҳар бир Mode 4 туридаги 60 кВт ва ундан юқори қувватли янги станция сотиб олиш учун Давлат бюджетидан 10 000 АҚШ доллари миқдорида субсидия ажратилади;
➖ электромобиллар муниципал (коммунал) мулкка тегишли бўлган автотураргоҳлардан бепул фойдаланади;
➖ муниципал (коммунал) мулкка тегишли бўлган автотураргоҳларда қуйидаги миқдорда (2 та каналли) тезкор усулда қувватлантириш станцияси инфратузилмасини ташкил этади:
2022 йилда ҳар 200 та тўхташ жойига камида 2 дона;
2023 йилда ҳар 150 та тўхташ жойига камида 2 дона;
2024 йилда ҳар 100 та тўхташ жойига камида 2 дона;
2025 йилда ҳар 60 та тўхташ жойига камида 2 дона;
2026 йилда ҳар 40 та тўхташ жойига камида 2 дона.
