2026 йил январь-сентябрь ойларида Ўзбекистондаги харидорларга Soliq мобил иловаси орқали автоматик равишда 625,5 млрд сўм кешбэк ҳисобланди. Тўловлар 1,148 млрд электрон чек асосида амалга оширилди. Бу ҳақда Солиқ қўмитаси хабар берди.
Тўққиз ой давомида чакана савдо ва хизмат кўрсатиш соҳаларида жами қарийб 2,8 млрд электрон чек берилган. Уларнинг умумий қиймати 164,2 трлн сўмни ташкил этган.
Чекларнинг асосий қисмини 102 трлн сўмлик 2,21 млрд савдо чеки ташкил қилган. Шунингдек, 39,9 трлн сўмлик 455,8 млн аванс чеки расмийлаштирилган.
Бундан ташқари, 4,2 трлн сўмлик 15 млн кредит чеки рўйхатга олинган. Яна 18,1 трлн сўмлик 79,2 млн чек махсус QR-кодлар ёрдамида шакллантирилган.
Идора маълумотларига кўра, 2026 йил 1 октябрь ҳолатига тизимда 271 та маркетплейс рўйхатдан ўтган. Уларнинг маълумотлар базалари солиқ органларининг ахборот тизимига интеграция қилинган.
