- Advertisement -
Ўзбекистон Республикаси Президенти Шавкат Мирзиёевнинг таклифига биноан Ҳиндистон Республикаси Бош вазири Нарендра Моди давлат ташрифи билан Ўзбекистонга келди.
Халқаро «Тошкент-Ҳумо» аэропортида олий мартабали меҳмонни Ўзбекистон Президенти Шавкат Мирзиёев кутиб олди.
Ҳиндистон Бош вазирининг ташрифи муносабати билан Ўзбекистон ва Ҳиндистон давлат байроқлари кўтарилди. Шунингдек, фахрий қоровул саф тортди.
Давлат ташрифининг асосий тадбирлари 30 август кунига режалаштирилган.
Унда икки давлат раҳбарлари Ўзбекистон-Ҳиндистон муносабатларини янада ривожлантириш ва турли соҳалардаги ҳамкорликни кенгайтириш масалаларини муҳокама қилиши кутилмоқда.
