Ўзбекистон Президенти Шавкат Мирзиёев АҚШ Давлат котиби Марко Рубиони «Буюк хизматлари учун» ордени, АҚШ Президентининг Жанубий ва Марказий Осиё бўйича махсус вакили Серджио Горни эса «Дўстлик» ордени билан мукофотлади.
Марко Рубио Ўзбекистон ва АҚШ ўртасидаги стратегик шерикликни ривожлантириш, сиёсий, иқтисодий ва маданий-гуманитар алоқаларни мустаҳкамлашга қўшган ҳиссаси учун ушбу мукофотга сазовор бўлди. Шунингдек, унинг Ўзбекистон ташаббусларини ҳамда Марказий Осиёда тинчлик ва барқарорликни мустаҳкамлаш борасидаги саъй-ҳаракатларни қўллаб-қувватлаётгани эътироф этилди.
Серджио Гор икки томонлама муносабатларни ривожлантириш, сиёсий мулоқотни фаоллаштириш ва қўшма лойиҳаларни амалга оширишга кўмаклашгани учун орден билан тақдирланди. АҚШ инвесторларини жалб қилиш ва Америка–Ўзбекистон бизнес ва инвестиция кенгаши фаолиятига қўшган ҳиссаси алоҳида таъкидланди.
