Aвстралиянинг Олтин қирғоғидаги Sеаwоrld яқинида икки вертолётнинг ҳавода тўқнашуви оқибатида тўрт киши ҳалок бўлди. Квинсленд тез ёрдам хизмати хабарига кўра, иккита самолёт бортида бўлган яна тўққиз нафар йўловчининг барчаси жароҳат олган.
Уч нафар йўловчи – бир аёл ва икки ёш бола оғир аҳволда шифохонага етказилган.Aвстралия транспорт хавфсизлиги бюроси (AТСБ) бу ҳолатни текшириб кўришини айтди.
Тўқнашув маҳаллий вақт билан соат 14:00 атрофида (ГМТ 04:00) Брисбен шаҳридан тахминан 75 км (47 миля) жанубда, Маин Беач деб номланувчи сайёҳлик чизиғи бўйлаб содир бўлган.
Квинсленд полицияси ходими Гари Уоррелл журналистларга бир вертолёт ҳавога кўтарилаётгандек, иккинчиси қўнаётганини айтди.
Унинг сўзларига кўра, тўртта ўлим ва учта жиддий жароҳатларнинг барчаси битта самолётда содир бўлган.
