Президентнинг тегишли қарорларига биноан:
Навоий давлат кончилик институти Навоий давлат кончилик ва технологиялар университети этиб қайта ташкил этилди.
Университет ҳузурида қуйидагилар ташкил этилади:
а) Навоий давлат кончилик институтининг Нукус филиали негизида – Нукус кончилик институти;
б) “Навоий” илмий-технология саноат парки;
в) Кармана политехника техникуми ва Ғозғон политехника техникуми.
Самарқанд ветеринария медицинаси институти негизида Самарқанд давлат ветеринария медицинаси, чорвачилик ва биотехнологиялар университети ташкил этилди.
Университет ҳузурида хўжалик ҳисобида фаолият юритувчи Ветеринария клиникаси ва касалликлар диагностикаси технопарки ташкил этилади.
Самарқанд давлат тиббиёт институти Самарқанд давлат тиббиёт университети этиб қайта ташкил этилди.
Университет ҳузурида 3 та клиника, 2 та илмий-тадқиқот институти, 2 та илмий марказ ташкил этилади. Самарқанд вилояти Абу Али ибн Сино номидаги Жамоат саломатлиги техникумлари ва тиббиёт коллежлари Университетга бириктирилади.
