Москванинг Сколково бошқарув мактабининг ректори Юрий Левин бошчилигидаги делегацияси Президент таълим муассасалари агентлигида бўлди.

Учрашув аввалида Агентлик ва Сколково бошқарув мактаби фаолиятига бағишланган тақдимотлар бўлиб ўтди.

Томонлар Агентлик тасарруфидаги мактаблар ва  “Янги Ўзбекистон” университети доирасида ҳамкорликни йўлга қўйиш истиқболларини муҳокама қилишди.

Муҳаммад ал-Хоразмий номидаги ихтисослаштирилган мактабда экскурсия ташкил этилиб, мактаб фаолияти, ўқувчиларнинг лойиҳалари билан таништирилди.