Ички бозорни ун махсулотлари билан таъминлаш учун захира етарли.
Жорий йил ҳосилидан республикамиз ғаллакорлари томонидан 8,1 миллион тонналик ғалла хирмони яратилган.
8,1 млн тонналик ғалла хирмонини яратишда республика фермер хўжаликлари ва қишлоқ хўжалиги корхоналари юқори ҳосилдорлик намойиш этдилар – сувли майдонларда ўртача ҳосилдорлик 70,5 центнердан ортди.
Шу билан бирга, республикада фаолият юритаётган донни қайта ишлаш корхоналарининг сони 200 тадан ортиб, аҳолини сифатли ун маҳсулотлари билан таъминлаш даражаси ўтган даврларга нисбатан қарийб 2 баробарга ошди.
Жумладан, соҳада яратилган имкониятлар натижасида ишлаб чиқарувчи хўжалик субектлари томонидан импорт қилинган буғдойни қайта ишлаш орқали ишлаб чиқарилган 926 минг тонна ун маҳсулотлари экспорти амалга оширилган бўлиб, бу кўрсаткич ўтган йилнинг шу даврига нисбатан 4 баробарга ошган.
Бу эса ўз навбатида маҳаллий ишлаб чиқаришнинг ривожланиши, ташқи бозорларда маҳсулотлар рақобатбардошлигининг ошиши ҳамда хўжалик субектларининг экспорт амалиётлари орқали республика иқтисодиётига валюта оқимининг киришини таъминламоқда.
