Кеча, 14 март куни соат 22:50 да Самарқанд шаҳри Шоҳруҳ Мирзо кўчасида жойлашган кутубхонада ёнғин содир бўлган. Бу ҳақда вилоят фавқулодда вазиятлар бошқармасига хабар берилган.
«Шунга кўра, 6 та ёнғин қутқарув экипажи жалб қилинди ва воқеа жойига соат 22:57 да етиб бориб, соат 23:55 да ёнғин тўлиқ бартараф этилди. Ёнғин кутубхонанинг маъмурий биносида содир бўлган, оқибатда бинонинг шифт ва том қисми қисман ёниб зарарланган, кутубхонадаги китобларга ҳеч қандай зарар етмаган.
Ҳодиса оқибатида жабрланган ва ҳалок бўлганлар йўқ. Ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда», дейилади вилоят ФВБ хабарида.
Ушбу ёнғин кутубхонанинг маъмурий биносида содир бўлган ҳамда кутубхонадаги китобларга ҳеч қандай зарар етмаган.
Ҳодиса оқибатида жабрланган ва ҳалок бўлганлар йўқ.
