Петербург халқаро иқтисодий форуми (PXIF) 1997 йилдан бери ўтказилаётган ва 2006 йилдан бери Россия Федерацияси Президенти кўмагида ва иштирокида ташкил этилаётган дунёдаги муҳим воқеалардан биридир.
Жорий йилнинг 5-8 июн кунлари Россиянинг маданий пойтахти Санкт-Петербург шаҳрида анъанавий равишда Петербург халқаро иқтисодий форуми(PXIF) бўлиб ўтди. Ушбу форум глобал иқтисодиётнинг долзарб муаммоларини муҳокама қилиш ва халқаро ҳамкорликни кенгайтириш ҳамда замонавий ечимларни топиш учун ноёб платформадир.
“Ўзбекистон Республикаси илм-фан ва таълим-тарбияни ривожлантириш халқаро Зиё Форум фонди” директори Бобур Фарманов бошчилигидаги мамлакатимиз делегацияси ушбу форумда иштирок этди.
Форумнинг асосий сессиясида Зиё Форум халқаро фонди директори сўзга чиқди. Бобур Фарманов ўз нутқида мамлакатимизда сўнгги йилларда амалга оширилаётган та’лим тизимидаги ислоҳотлар, талабаларга бериладиган имтиёзлар ва меҳнат бозори талабларига жавоб берадиган малакали кадрлар тайёрлашга қаратилган катта саъй-ҳаракатлар ҳақида сўзлаб берди. “Бизнинг мақсадимиз юртимизда ҳар бир ёш сифатли таълим олиши учун қулай бўлган шарт-шароитларни яратишдир”. – деди Бобур Фарманов.
Форум доирасида иқтисодиёт, маданият, спорт ва ижтимоий сиёсат соҳаларида ҳамкорлик тўғрисидаги битимлар ва шартномалар имзоланди. Хусусан, форум давомида БРИКС+ Савдо-саноат палатаси (Ҳиндистон), ШҲТ а’зо давлатларининг Хитой технологиялар трансфери маркази, БРИКС маркази (Бразилия), Валуе Макерс Студио (Саудия Арабистони), Чина Гуангҳуа Фан ва Технологиялар Жамғармаси, ОБМ Фоундатион (Миср), Наҳдет Миср Публишинг гроуп (Миср), Миллий инновация фонди (Ҳиндистон), Ўзбекистон Республикаси илм-фан ва та’лим-тарбияни ривожлантириш Зиё Форуми фонди (Ўзбекистон) каби 8 та давлатдан ташриф буюрган ташкилотлар томонидан БРИCС+ “Жамғармалар лигаси”ни ташкил этиш қарори бир овоздан қабул қилинди.
Лиганинг асосий мақсади халқаро миқёсда, илм-фан ва таълим соҳасини ривожлантиришга кўмаклашиш, муҳандислик ва касбий кўникмаларга эга малакалари кадрларни тайёрлаш, келажакдаги муаммоларни халқаро ҳамкорлик ва ресурслар алмашиш орқали биргаликда аниқлаш ва ҳал қилишдан иборат.
Жамғармалар лигаси — бу дунёда аналоги мавжуд бўлмаган ноёб лойиҳа. Ушбу ташкилот ягона тизимга айланади, бунинг натижасида мамлакатлар илм-фан ва таълим соҳасида малакали кадрларни тайёрлаш дастурларига алоҳида эътибор қаратади. Қолаверса, “лига”га а’зо ташкилотлар ёшларга сифатли таълим олиши учун умумий саъй-ҳаракатларини йўналтириши мумкин бўлади», — дея та’кидлади Ўзбекистон Республикаси илм-фан ва таълим-тарбияни ривожлантириш халқаро фонди директори Бобур Фарманов.
Шартномаларни имзолаш маросимидан сўнг, “Келажак бошида. Қандай қилиб фондлар ҳамкорлиги БРИКС мамлакатлари салоҳиятини оширишга ёрдам беради” мавзусида сессия бўлиб ўтди. Сессия давомида БРИКС + ва ШҲТга аъзо давлатлар вакиллари ўз давлатларида илм-фан соҳасини қамраб оладиган лойиҳаларни қўллаб-қувватлаш тажрибасини муҳокама қилдилар, молиялаштиришдан тортиб зарур инфратузилмани яратишгача бўлган жиҳатларни қамраб олувчи илмий тадқиқотлар ва таълим дастурларини рағбатлантиришга қаратилган стратегия ва амалиётлар ҳақида фикр алмашдилар.
Бундан ташқари, иштирокчилар илм-фан ва таълимни ривожлантириш шароитларини яхшилаш бўйича саъй-ҳаракатларни мувофиқлаштириш, жумладан, молиялаштиришни кенгайтириш, инновацияларни қўллаб-қувватлаш ва турли таълим ва илмий муассасалар ўртасида самарали ўзаро таъсир механизмларини яратиш муҳимлигини таъкидладилар.
Сессия давомида, эндиликда, ҳар йили ўтказиладиган БРИКС+ Футуре Макерс Аwард халқаро мукофоти эълон қилинди. Мукофот БРИКС, МДҲ ва ШҲТ мамлакатларидан иқтидорли ёш олимлар ва тадқиқотчиларни қўллаб-қувватлаш ва рағбатлантиришга қаратилган. У келажакдаги глобал муаммоларни ҳал қилишга ҳисса қўшиши мумкин бўлган ёш олимларнинг халқаро илмий ҳамжамиятини шакллантириш ва ривожлантиришга ёрдам беради.
“Жамғармалар лигаси”га аъзо давлатлар ушбу ҳамкорлик илм-фан ва таълимни ривожлантириш йўлидаги муҳим қадам деб ҳисоблайди.
