Давлат ва хусусий секторда ярим миллион нафардан ортиқ пенсионер ишламоқда. Бу ҳақда Камбағалликни қисқартириш ва бандлик вазирлиги маълум қилди.
Манбага кўра, ҳозирда Ўзбекистонда расман ишлаётган пенсионерлар сони 579 305 нафарни ташкил этмоқда. Уларнинг 234 044 нафарини эркаклар (40,4 фоиз), 345 261 нафарини аёллар (59,6 фоиз) ташкил этади.
Шундан 250 247 нафари (43,2 фоиз) давлат ташкилотларида, 329 058 нафари (56,8 фоиз) хусусий секторда фаолият юритмоқда.
Маълумот учун, жорий йилнинг январь–март ойларида республика бўйича 70 384 нафар фуқарога янги пенсиялар тайинланган. 2023 йил давомида Пенсия жамғармаси томонидан жами 292 минг нафар фуқаро пенсия ола бошлаган.
Ҳозир мамлакатда жами пенсия олувчилар сони қарийб 4 миллион нафарни ташкил этади.
