Ўзбекистон 2023 йил октябрь ойида олтин сотиш бўйича дунёда биринчи ўринни эгаллади. Бу ҳақда Жаҳон олтин кенгаши хабар берди.
2023 йил октябрь ойида Жаҳон олтин кенгашининг дастлабки ҳисоб-китобларига кўра, жаҳон марказий банклари олтин-валюта захиралари учун 42,5 тонна олтин сотиб олган.
Шу вақтда олтиннинг асосий сотувчиси Ўзбекистон Марказий банки бўлди ва ўз захираларини 11 тоннага қисқартирди.
Қозоғистон икки тонна олтин сотиш билан иккинчи ўринни эгаллади.
Хитой октябрь ойида энг йирик харидор бўлиб, олтин захираларининг 23 тоннага ошгани ҳақида хабар берди. Умуман олганда, йил бошидан буён Хитой Марказий банки 204 тонна қимматбаҳо металл сотиб олди.
Ундан кейинги ўринларда Туркия (19 тонна), Польша (3 тонна), Ҳиндистон (3 тонна), Чехия (2 тонна), Қирғизистон (1 тонна) ва Қатар (1 тонна).
