Фарғона вилояти Олтиариқ туманида Спарк ҳамда Cobalt машиналари иштирокида йўл-транспорт ҳодисаси содир бўлди. Бу ҳақда вилоят Ички ишлар бошқармаси Жамоат хавфсизлиги хизмати Йўл ҳаракати хавфсизлиги бошқармаси ахборот хизмати маълум қилди.
Айтилишича, Фарғона вилояти Олтиариқ тумани ҳудудидан ўтган 4Р-112 “Фарғона халқаси” автомобиль йўлида ҳаракатланаётган Спарк машинаси ҳайдовчиси қайрилиш учун йўлнинг иккинчи бўлагидан асосий қисмига ўтишни режлаштирган. Шу пайт Спаркнинг ортидан келаётган Nexia ҳайдовчиси унга йўл бериш учун тезликни пасайтирган.
Айни пайтда автомобиль ортидан келаётган Cобалт автомобили оралиқ масофани сақламаганлиги сабабли дастлаб Nexia, сўнгра Спаркга бориб урилиши оқибатида Спарк ағдарилиб кетган. ЙТҲ сабабли Спарк машинасида бўлган икки нафар йўловчи енгил тан жароҳати олиб, шифохонага ётқизилган.
Ҳозирда Олтиариқ тумани ички ишлар бошқармаси ЙҲХГ томонидан терговга қадар текширув ҳаракатлари олиб бормоқда.
