Жорий йилнинг 26 октябрь куни Вазирлар Маҳкамасининг Маънавият ва давлат тилини ривожлантириш масалалари департаменти бўлим мудири U.Mahmudov ва Тошкент шаҳар ҳокимлигидан ҳоким ўринбосари A.Xen, ҳокимнинг давлат тили масалалари бўйича маслаҳатчиси А.Рўзитоев ҳамда Топонимика бўлими бошлиғи A.Djabbarov иштирокида Цингапурнинг “БМП Смарт Десисион Привате Лимитед” компанияси раҳбари O.Mirzajonov ва ўринбосари Z.Mirzaulukov билан пойтахтимизда жойлашган Ғафур Ғулом номидаги истироҳат боғи номи ўзгариши бўйича ижтимоий тармоқлардаги шов-шувлар юзасидан учрашув ўтказилди.
Учрашувда тадбиркор-инвестор боғнинг номи ўзгармаслигини, Ўзбекистон Республикаси Қонунларини ҳурмат қилишини, боғнинг номини ўзгартиришга ҳеч қандай хоҳиши йўқлигини таъкидлади.
““Dream Park”” ва “Орзулар боғи” каби номдан фақат савдо белгиси сифатида фойдаланишини билдирди.
Шунингдек, учрашувда тадбиркор-инвесторга “Географик объектларнинг номлари тўғрисида”ги Ўзбекистон Республикаси Қонунининг мазмун-моҳияти ва талаблари ҳақида батафсил маълумот берилди.
Маънавият ва давлат тилини ривожлантириш масалалари департаменти,
Тошкент шаҳар ҳокимлиги
