2022 йил 16 июнь куни АОКАда «Таълим муассасаларига ўқишга қабул қилиш жараёнларини ташкил этиш, профессионал таълим тизимидаги ўзгаришлар билан боғлиқ масалалар бўйича» матбуот анжумани бўлиб ўтмоқда. Унда вазир Абдуқодир Тошулов ҳам иштирок этмоқда. Йиғилишда бу йилги ОТМга қабул бўйича қарор ва янгиликлар айтиб ўтилди.
Олий ва ўрта махсус таълим вазири Абдуқодир Тошқулов илгари берилган имтиёзларни қайта кўриб чиқиш кераклиги айтди. Чунки бу йил мактабни битирган ҳар 10 нафар ўқувчидан 4 нафари Ўзбекистондаги олий таълим муассасида ўқиш имкониятига эга. Шунинг учун “ўз умрини яшаб бўлган” имтиёзлардан воз кечиш кераклиги айтилган.
Мазкур ўзгартиришлар бу йилги қабул жараёнларига таъсир қилмай, кейинги ўқув йилларидан кўриб чиқилади.
Маълум бўлишича, ОТМларга имтиҳонсиз давлат гранти асосида ўқишга кириш бўйича имтиёзи бўлганлар шахсларга алоҳида жойлар белгиланади. Шу пайтгача улар мавжуд грант ўринларини банд қилган.
