БМТнинг Бош котиб Антониу Гутерриш Мўғулистонга ташрифи чоғида БМТнинг мамлакат билан тўлиқ бирдамлигини эълон қилди ҳамда Мўғулистонни «нотинч сайёрадаги тинчлик тимсоли» деб атади.
Унинг таъкидлашича, кескин геосиёсий қарама-қаршиликлар ва кенг кўламли можаролар ҳукм сураётган дунёда Мўғулистон ядро қуролидан холи ҳудуд сифатида кўплаб бошқа давлатлар учун намунадир.
«Биз ўн йилликлар ичида биринчи марта одамлар яна ядро уруши бўлиши мумкин деб ўйлаётган дунёда яшаяпмиз. Ядро уруши ҳақиқатга айланмаслигига тўлиқ амин бўлишимиз мумкин бўлган ягона шарт бор, бу эса бундай қуролларни бутунлай йўқ қилишдир», — деди Антонио Гутерриш.
Шунингдек, томонлар минтақадаги геосиёсий вазият, денгизга чиқиш имкони йўқ мамлакат сифатида Мўғулистон дуч келаётган муаммолар ва иқлим ўзгаришига қарши кураш бўйича миллий саъй-ҳаракатларни муҳокама қилди.
