«Ford» компанияси АҚШда сотилган 661 мингта «Explorel» русумли машиналарини носозликлар сабабли қайтариб олишни бошлади.
Компаниянинг 2016 йилдан 2019 йилгача ишлаб чиқарилган машиналарида рейлинглар (машиналарнинг томига ўрнатилади, юкларни ташиш учун мўлжалланган) мустаҳкам ўрнатилмаган. Шу сабабли компания расмий равишда машиналарни қайтариб олиш қарорини эълон қилган.
Таъкидланишича, 2020 йил бошидан бери 11 киши рейлинглар билан боғлиқ муаммолар ҳақида хабар берган. Ford компанияси носозлик кузатилган машиналарнинг рейлинглари янгисига алмаштирилишини хабар қилган.
Ҳа-я, «Ford» 2021 йил январь ойида хавфсизлик ёстиғи билан боғлиқ муаммолар туфайли 3 миллион автомобилини қайтариб олган. Шу билан бирга, Fordнинг машиналар қайтариб олишни бекор қилиш ҳақидаги талаби рад этилган ва машинага ўрнатилган «Takata» хавфсизлик ёстиқларида хавф мавжудлиги таъкидланган.
