- Advertisement -
Ўзбекистонлик шахматчилар Муҳиддин Мадаминов ва Гулдона Каримова халқаро шахмат турнирларида ғолиб бўлди.
Ўзбекистоннинг 29-гроссмейстери Мадаминов Швейцариянинг Биль шаҳрида бўлиб ўтаётган «Biel Open» турнирида рапид йўналишида 1-ўринни қўлга киритди. Мадаминов 9 имкониятдан 8 очко жамғариб ғолиб бўлди.
Бундан ташқари, шахмат бўйича қизлар ўртасида Ғарбий Осиё чемпионатида ўзбекистонлик қиз ғолиб бўлди. Гулдона Каримова 9 баллдан 7 очко тўплаган ҳолда биринчи, россиялик Галина Михеева (6,5) иккинчи ўринни эгаллади. Ғолиблар учлигини қозоғистонлик Айдана Мади якунлади (6,5). Мусобақа Шри-Ланкада бўлиб ўтди.
Гулдона 18 ёшлилар ўртасида Ғарбий Осиё чемпиони бўлибгина қолмай, аёллар ўртасида халқаро спорт устаси (WIM) унвонини ҳам қўлга киритди.
