Британиялик тўққиз ёшли Итан Панг шахматда ақл бовар қилмайдиган маррага эришди. У 2200 рейтинг тўсиғини босиб ўтиб, «CM» унвонини қўлга киритган энг ёш ўйинчига айланди. Бу ҳақда «Chess.com» хабар берди.
«Westminster Under School» талабаси Итаннинг шахмат оламидаги тез ўсиши бор-йўғи учта турнирда 334 рейтинг очкоси тўплаганлиги билан қўша олди. Итаннинг сўнгги муваффақияти июнь ойида EACU округи жамоаси чемпионатида 3/4 балл тўплаш ва 2493 рейтингли IM Алан Мерри билан дуранг ўйнашни ўз ичига олади. Шунингдек, у «ChessKid» ёшлар чемпионатида қатнашиб, жаҳоннинг энг ёш гроссмейстери GM Ягиз Каан Эрдогмушни мағлуб этди.
![](https://xs.uz/upload/post/2024/07/11/f3e44efb06d2b7714a3a5bd27f7aef010711.jpg)
![](https://xs.uz/upload/post/2024/07/11/f3e44efb06d2b7714a3a5bd27f7aef010711.jpg)
Итан беш ёшида шахмат ўйнай бошлаган ва етти ёшида икки карра Британия чемпиони GM Гавейн Жонсга қарши дуранг ўйнаб, ўз истеъдодини намойиш этганди. Унинг отаси Раймонд Пангнинг айтишича, карантин даврида фарзандини онлайн шахмат курсига берганлиги ёш спортчини илҳомлантириб юборган.
Пандемия Итанга жаҳон миқёсида рақобатлашиш ва маҳоратини ошириш учун «Chess.com» ва «ChessKid» каби онлайн платформалардан фойдаланган ҳолда шахматга эътибор қаратиш имконини берди. Отасининг сўзларига кўра, Итаннинг фидойилиги ва кучли рақиблар билан ўйнаш имконияти унинг ривожланишида ҳал қилувчи аҳамиятга эга бўлган.
Итаннинг бундай ёшида 2200 рейтингга эришиши шахмат бўйича халқаро спорт устаси Фаустино Орога тегишли бўлган янги рекордни яхшилаш деганидир. Қайд этиш керакки, Итан сўнгги 16 классик ўйинда мағлуб бўлмади. Шу сабабли ҳам айрим шахмат мухлислари Итанни янги «Магнус Карлсен» деб аташмоқда.