Кўпчилигимиз эрталаб нонушта пайти бир финжон кофе ичишга ўрганиб қолганмиз. Кимдир сутли, кимдир эса табиий қора кофе ичишни хуш кўради.
Хўш, аслида Ўзбекистонга кофе кўпроқ қайси давлатлардан импорт қилинади?Маълумотларга кўра, юртимизга энг кўп кофе Италиядан импорт қилинар экан. Давлат статистика қўмитаси маълумотларига кўра, 2022 йилнинг январь-октябрь ойларида Ўзбекистон хорижий давлатлардан қиймати 2,9 миллион АҚШ долларига тенг бўлган 433 тонна кофе импорт қилган.
Кофе импорти 2021 йилнинг мос даври билан солиштирилганда 152 тоннага ошган.2022 йилнинг 10 ойида Ўзбекистонга импорт қилинган кофенинг энг катта улушига эга бўлган давлатлар рўйҳатида 107,5 тонна билан Италия биринчи ўринда турибди. Ундан кейинги рўйхатда Россия – 66,2 тонна, Бразилия – 58,9, Польша – 45,6, Германия – 30 тонна кофе импорт қилган.
