Ўзбекистон Журналистлар уюшмаси Жиззах вилоят бўлими ҳамда вилоят оила ва хотин-қизлар бошқармаси билан ҳамкорликда “Хотин-қизларнинг нодавлат-нотижорат ташкилотлар юзасидан ҳамкорликдаги лойиҳалари, лойиҳаларнинг жойларда амалга оширилиши ва самарадорлик” мавзусида тадбир бўлиб ўтди.
Тадбирда грант лойиҳаларида фаол иштирок этаётган хотин-қизлар, нодавлат-нотижорат ташкилотлар, оммавий ахборот воситалари ходимлари иштирок этишди.
Тадбирда халқ депутатлари Жиззах вилоят Кенгаши ҳузуридаги ННТ ва фуқаролик жамиятининг бошқа институтларини қўллаб-қувватлаш Жамоат фонди вакиллари томонидан грант лойиҳаларининг аҳамияти ҳақида сўз борди.
Шунингдек, бир қанча самарали лойиҳаларнинг тақдимоти ўтказилди. Жумладан, “Бир қизга бир ҳунар” ёш хотин-қизларни ижтимоий қўллаб-қувватлаш жамоат бирлашмаси томонидан амалга оширилган “Аёллар келажак бунёдкори”, Маънавият ва маърифат маркази Жиззах вилоят бўлими томонидан амалга оширилган “Биз биргамиз” номли лойиҳалари ва мақсадлари ҳақида маълумот беришди.
