11 июн куни Буҳоро нефтни қайта ишлаш заводида журналистлар учун пресс тур ташкил этилди.Бир неча йиллар аввал бундай стратегик ҳудудларга кириш ОАВ ходимлари учун эртакдек гап эди.Ўзбекнефтгаз АЖ ошкоралик сиёсати билан иш олиб бораётгани сабабли ОАВга ушбу ҳудудлар эшиклари очилди.
2022 йилда Республика истеъмолчиларини автобензинга бўлган талаби 1,3 млн.тонна бўлиб, 2022 йил давомида “Ўзбекнефтгаз” АЖ томонидан жами 835,2 минг тонна автобензин ишлаб чиқарилиши, истеъмолчилар талабининг 65% ни таъминлайди.
Шундан 70 % Ўзбекнефтгаз корхоналари томонидан етказиб бериладиган маҳаллий хом ашёдан ишлаб чиқарилади ва қолган 30 фоизга яқини четдан сотиб олинадиган импорт хом ашё ҳисобига тўғри келади.
Четдан сотиб олинадиган импорт хом ашёсидан ишлаб чиқариладиган нефт маҳсулотларининг таннархи хом ашё нархи ва божхона харажатлари билан бирга нарх шакллантиририб юкори октанли бензин махсулотлари ишлаб чиқарилиб, нарх шакллантирилмоқда.
Заводнинг бензин ишлаб чиқариш қувватларидан фойдаланиш ўртача 120-125 % ни ташкил килмоқда.
Биз билган энг муҳим маълумотлардан бири бу бензин нархи баландлигини Ўзбекнефтгаз эмас балки биржадаги талаб белгилаши бўлди.
Бундан ташқари заправкалардан сотиб олган бензинингиз сифатсиз бўлса ишлаб чиқарувчи яъни, заводни айблаш ноўрин дейди муассаса ҳодимлари.
Бензин сифати билан боғлиқ айрим можароли вазиятлар учун завод ўзини-ўзи ҳимоя қилиб қўйган.
Заводдан чиқётган ҳар бир вагондан намуна олиб қўйилади. Республика истеъмолчилари учун чиқарилган вагондан олинган намуналар 45 кун, агар экспортга кетадиган вагон маҳсулоти намунаси бўлса 3 ой давомида сақланади.
Бу намуналар қандайдир можароли савол-жавоблар бўлганда тегишли мутаҳасислар келиб текшириши учун. Шу билан заводдан сифатли маҳсулот чиқиб кетганлигига ойдинлик киритилади.
Бу ҳақда “Ўзбекнефтгаз” АЖ томонидан жамоатчиликка тўғри ахборот етказиш мақсадида ОАВ ходимлари ва блогерлар учун ташкил қилинган пресс-турда маълум қилинди.
