БМТнинг Афғонистонга кўмак миссияси маълумотига кўра, жорий йилнинг январь-сентябрь ойларида қуролли тўқнашувлар оқибатида 2117 афғонистонлик ҳалок бўлди, 3822 нафари жароҳатланди.
“Юқори даражадаги зўравонлик ҳалигача тинч аҳолига ҳалокатли таъсир кўрсатяпти, Афғонистон ҳали-ҳамон дунё бўйича тинч аҳоли учун энг хавфли мамлакатлардан бири бўлиб турибди”, – дейилади БМТ миссияси баёнотида.
Ўтган йилнинг шу даври билан солиштирганда, қурбонлар сони 30 фоиз камайган, бироқ Қатар пойтахти Дохада афғон ҳукумати ва толиблар ўртасида тинчлик музокараларнинг бошланиши ҳам зўравонликлар суръатини пасайтирмади.
Маълум бўлишича, бу йил тинч аҳоли орасида қурбонлар бўлишига 45 фоиз ҳолатда “Толибон” ҳаракати, 23 фоиз ҳолатда ҳукумат кучлари, 2 фоиз ҳолатда эса АҚШ бошчилигидаги халқаро коалиция айбдор.
Манба: azon.uz
