- Advertisement -
25 август куни Ўзбекистоннинг барча ҳудудларида навбатдаги «Автомобилсиз кун» акцияси ўтказилади.
Президент фармонига мувофиқ, мазкур санада давлат ташкилотлари ва идоралари ходимларининг хизмат автотранспорт воситаларидан фойдаланиши тақиқланади.
Агар «Автомобилсиз кун» иш кунига тўғри келса, хизмат автотранспорти ҳайдовчиларининг иш ҳақи сақлаб қолинади.
Шунингдек, давлат фуқаролик хизматчиларининг акция доирасида хизмат автотранспорт воситаларидан фойдаланиши одоб-ахлоқ (этика) қоидаларини бузиш сифатида баҳоланади.
«Автомобилсиз кун» акцияси транспорт воситаларидан фойдаланишни камайтириш, атроф-муҳитга салбий таъсирни пасайтириш ҳамда аҳоли ўртасида экологик маданиятни оширишга қаратилган.
