Мониторинг давомида блогер Нурбек Собировнинг ижтимоий тармоқдаги саҳифасида алкоголли ичимликлар рекламаси жойлаштирилгани аниқланган.
Рақобат қўмитаси маълумотига кўра, Ўзбекистон Республикасининг «Реклама тўғрисида»ги қонунининг 38-моддасига мувофиқ, ҳар қандай қувватдаги алкоголли ичимликларни реклама қилиш тақиқланган. Қонунчиликда фақат пиво, табиий ва кўпикланадиган виноларни белгиланган вақт, шакл ва аудиторияга оид чекловларга риоя этилган ҳолда реклама қилишга рухсат берилган.
Шу билан бирга, ижтимоий тармоқлар орқали алкоголли ичимликлар рекламасини ҳар қандай кўринишда тарқатишга йўл қўйилмайди.
Аниқланган қонунбузилиш ҳолати юзасидан Рақобат қўмитаси блогер Нурбек Собировни реклама қилиниши қонун билан тақиқланган маҳсулотни тарғиб қилгани учун белгиланган тартибда маъмурий жавобгарликка тортди.
Маълум қилинишича, иш бўйича тўпланган тегишли ҳужжатлар қонуний чора кўриш учун судга юборилган.
