Ўзбекистон Республикаси Президентининг тегишли фармонлари билан давлат бошқаруви тизимида қатор кадрлар ўзгаришлари амалга оширилди.
Унга мувофиқ, Сардор Уктамович Умурзаков Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги директори лавозимига тайинланди. Шу муносабат билан у Президентнинг стратегик ривожланиш бўйича маслаҳатчиси лавозимидан озод этилди.
Шунингдек, Президентнинг стратегик ривожланиш бўйича маслаҳатчиси лавозими тугатилди.
Яна бир фармонга асосан, Абдулла Мамасаатович Абдуқодиров бошқа ишга ўтиши муносабати билан Ўзбекистон Республикаси Президенти ҳузуридаги Стратегик ривожланиш ва ислоҳотлар агентлиги директори вазифасини бажарувчиси лавозимидан озод этилди.
Қабул қилинган қарорлар давлат бошқаруви тизимини такомиллаштириш ва стратегик ривожланиш соҳасидаги институционал фаолиятни янада самарали ташкил этишга қаратилган навбатдаги ташкилий ўзгаришлардан бири бўлди.
