Жаҳон чемпионати–2026нинг 1/8 финал босқичида Франция терма жамоаси Парагвай устидан минимал ҳисобда ғалаба қозониб, чорак финалга йўлланма олди.
Филадельфия шаҳрида бўлиб ўтган учрашув тақдирини ягона гол ҳал қилди. Ўйиннинг 70-дақиқасида Дезире Дуэга нисбатан ишлатилган қоидабузарлик учун белгиланган пенальтини Килиан Мбаппе аниқ амалга ошириб, жамоасига ғалаба келтирди.
Ушбу гол Мбаппе учун Жаҳон чемпионати–2026даги еттинчи гол бўлди. Шу тариқа, у турнирнинг энг яхши тўпурарлари рўйхатида Лионель Мессига етиб олди.
Шунингдек, француз ҳужумчиси жаҳон чемпионатлари тарихидаги умумий голлари сонини 19 тага етказди. Бу кўрсаткич бўйича у рекордчи Лионель Мессидан атиги битта гол ортда бормоқда. Плей-офф босқичларида энг кўп гол урган футболчи сифатида ҳам Мбаппе ўз етакчилигини мустаҳкамлади — унинг ҳисобида энди 11 та гол бор.
Ғалаба орқали амалдаги жаҳон вице-чемпиони бўлган Франция терма жамоаси чорак финалга чиқди. Кейинги босқичда французлар Марокаш терма жамоасига қарши майдонга тушади.
