Жаҳон чемпионати–2026нинг 1/16 финал босқичида Португалия терма жамоаси Хорватия устидан иродали ғалабага эришиб, мусобақанинг кейинги босқичига йўлланмани қўлга киритди.
Торонто шаҳрида бўлиб ўтган учрашув 2:1 ҳисобида португалияликлар фойдасига якунланди. Ҳисобни биринчи бўлиб Хорватия очди. Учрашувнинг дастлабки қисмида Иван Перишич рақиб дарвозасини ишғол қилиб, жамоасини олдинга олиб чиқди.
Иккинчи бўлимда эса Португалия ҳисобни тенглаштиришга муваффақ бўлди. Криштиану Роналду пенальтини аниқ амалга ошириб, мувозанатни тиклади.
Беллашувнинг ҳал қилувчи лаҳзалари қўшимча вақтга тўғри келди. Иккинчи бўлимга қўшиб берилган вақтнинг тўртинчи дақиқасида Гонсалу Рамуш ғалаба голини киритиб, Португалияни олдинга олиб чиқди.
Орадан тўққиз дақиқа ўтиб, Йошко Гвардиол Хорватия номидан ҳисобни яна тенглаштиргандай бўлди. Бироқ VAR текширувидан сўнг ҳакам офсайд ҳолатини қайд этиб, голни бекор қилди.
Шу тариқа, Португалия терма жамоаси Жаҳон чемпионати 1/8 финалига йўл олди. Энди жамоа кейинги босқичда Испания терма жамоасига қарши майдонга тушади.
