Ўзбекистон Республикаси Президенти Шавкат Мирзиёев Грузиянинг энг юксак давлат мукофоти — «Олтин мўйна» ордени билан тақдирланди.
Мазкур юксак мукофот давлат раҳбарига Ўзбекистон ва Грузия ўртасидаги кўп қиррали ҳамкорлик муносабатларини ривожлантиришга қўшган улкан ҳиссаси учун топширилди. Тантанали маросимда орденни Грузия Президенти Михаил Кавелашвили топширди.
«Олтин мўйна» ордени Грузиянинг энг олий давлат мукофотларидан бири ҳисобланади. У мамлакат тараққиётига ва халқаро ҳамкорликни мустаҳкамлашга катта ҳисса қўшган давлат ва жамоат арбобларига берилади.
Турли йилларда ушбу нуфузли мукофот билан Буюк Британия қироличаси Елизавета II, Иордания қироли Абдулла II, Германиянинг собиқ канцлери Герхард Шрёдер, Туркия Президенти Ражаб Тоййиб Эрдоған, Озарбайжоннинг собиқ Президенти Ҳайдар Алиев ҳамда бошқа таниқли давлат арбоблари тақдирланган.
Кузатувчиларнинг фикрича, мазкур мукофотнинг топширилиши Ўзбекистон ва Грузия ўртасидаги стратегик шериклик муносабатларининг изчил мустаҳкамланиб бораётганини яна бир бор тасдиқлайди.
