Жаҳон чемпионати–2026нинг 1/16 финал босқичида Норвегия миллий терма жамоаси Кот-д’Ивуарни 2:1 ҳисобида мағлуб этиб, мусобақанинг кейинги босқичига йўл олди.
Арлингтон шаҳрида бўлиб ўтган учрашувнинг биринчи бўлимида Антонио Нуса аниқ зарба билан норвегияликларни ҳисобда олдинга олиб чиқди. Иккинчи бўлимда Кот-д’Ивуар терма жамоаси Амад Диаллонинг голи эвазига ҳисобни тенглаштирди.
Бироқ учрашувнинг ҳал қилувчи дақиқаларида жамоа етакчиси Эрлинг Холанд ўз сўзини айтиб, ғалаба голини киритди ва Норвегияга 1/8 финал йўлланмасини тақдим этди.
Ушбу гол Холанд учун Жаҳон чемпионатидаги бешинчи гол бўлди. Шу тариқа, у тўпурарлар пойгасида олтита гол муаллифи бўлган Аргентина ҳужумчиси Лионель Мессидан кейинги иккинчи ўринда бормоқда.
Норвегия терма жамоаси энди 1/8 финалда Бразилияга қарши майдонга тушади. Учрашув 6 июль куни бўлиб ўтади.
