- Advertisement -
2026 йил 1 июлдан Ўзбекистонда вақтинча меҳнатга лаёқатсизлик нафақасини тўлашнинг янги тартиби кучга киради. Эндиликда иш берувчи аввалгидек касаллик варақасининг фақат дастлабки беш календарь куни учун тўловни амалга оширади. Олтинчи кундан бошлаб эса тўловлар Давлат ижтимоий суғурта жамғармаси томонидан тўланади.
Нафақа миқдори ходимнинг суғурта стажига қараб белгиланади. Суғурта стажи олти ойдан саккиз йилгача бўлган ходимларга ўртача иш ҳақининг 60 фоизи, саккиз йилдан ортиқ стажга эга ходимларга эса 80 фоизи миқдорида нафақа тўланади.
Янги тартиб хусусий корхоналар ходимларига ҳам татбиқ этилади.
