Жаҳон чемпионати–2026нинг 1/16 финал босқичида Бразилия терма жамоаси Япония устидан иродали ғалабага эришиб, мусобақанинг кейинги босқичига йўлланмани қўлга киритди.
АҚШнинг Хьюстон шаҳридаги «Эн-Ар-Джи» стадионида бўлиб ўтган баҳс 2:1 ҳисобида жанубий америкаликлар фойдасига якунланди.
Учрашувнинг биринчи бўлимида Япония терма жамоаси Каисю Сано киритган гол эвазига ҳисобда олдинга чиқди. Бироқ танаффусдан кейин Бразилия вазиятни ўзгартира олди.
Аввалига Каземиро ҳисобни тенглаштирган бўлса, иккинчи бўлимга қўшиб берилган вақтда Габриэл Мартинелли ғалаба голини киритиб, жамоасига муҳим ғалабани тақдим этди.
Ушбу натижа орқали Бразилия терма жамоаси Жаҳон чемпионатининг 1/8 финалига йўл олди. Энди бразилияликлар чорак финал йўлланмаси учун Кот-д’Ивуар ва Норвегия терма жамоалари ўртасидаги баҳс ғолиби билан куч синашади.
Япония терма жамоаси эса мусобақадаги иштирокини 1/16 финал босқичида якунлади.
