9 июнь куни Бишкек шаҳрида МДҲга аъзо давлатлар ижодий ва илмий зиёлилари форуми доирасида «Звезда Содружествo» ҳамда «Содружество дебютов» халқаро мукофотларини топшириш маросими бўлиб ўтди.
Жорий йилда «Звезда Содружествo» мукофоти 8 нафар лауреатга берилди. Ушбу мукофот учун 8 та давлатдан 13 нафар номзод кўриб чиқилган.
Юқори мукофотга Ўзбекистон вакили, халқ артисти, дирижёр ва Ўзбекистон давлат симфоник оркестри бадиий раҳбари Камолиддин Уринбоев сазовор бўлди.
Шунингдек, «Содружество дебютов» халқаро мукофоти доирасида ҳам ғолиблар эълон қилинди. Бу мукофот турли соҳалардаги ёш мутахассисларни қўллаб-қувватлашга қаратилган бўлиб, жорий йилда унга МДҲ давлатларидан 11 нафар номзод даъвогар бўлган.
Улар орасида Ўзбекистон вакили, Савриноз Омонтошева ҳам мукофотга сазовор бўлди.
