Абдураҳим Нутфуллоев Остонадаги дзюдо бўйича “Катта дубулға” турнирида олтин медални қўлга киритди

Ўзбекистонлик дзюдочи Абдураҳим Нутфуллоев Остона шаҳрида ўтаётган Qazaqstan Barysy Grand Slam турнири ғолибига айланди.

-66 кг вазн тоифасидаги финал баҳсида ўзбекистонлик спортчи россиялик Сайгид Керимовни мағлуб этди. Беллашув давомида Нутфуллоев “юко” баҳосини қўлга киритиб, жанг охиригача устунликни сақлаб қолди.

Ушбу вазн тоифасида Ўзбекистон терма жамоаси учун яна бир медални Анваржон Ибрагимов қўлга киритди. У мусобақанинг бронза совриндори бўлди.

Шу тариқа, -66 кг вазн тоифасида ўзбек дзюдочилари терма жамоа ҳисобига олтин ва бронза медалларини тақдим этди.